محەمەد ڕاشد مودەریس گورجی لە وتووێژ لە گەڵ هەواڵنێری مێهر بە ئاماژە بەوەی کە داکردنی بەفر لە پارێزگای کوردستان لە ئێوارەی رۆژی هەینییەوە دەستی پێکردووە، وتی: پێرسونێلی رێگەوبان لە تەواو رێگەکانی پارێزگا و بە ئامادەیی تەواوەوە جێگر کراون.
ناوبراو بە ئاماژە بەوەی کە تا ئێستا چەندین جار چالاکیی بەفرسڕینەوە و خۆێ پێداکردن ئەنجام دراوە، ڕایگەیاند: لە ئێستادا هاتوچۆ لە زۆربەی ڕێڕەوەکانی پارێزگا بە تایبەت لە میحوەری سەقز – بانە، سەقز – مەریوان، سەوڵاوا – هەورامان و سنە – مەریوان بە زەنجیری چەرخەوە مومکینە.
جێگری ئیدارەی گشتیی رێگەوبان و گواستنەوەی جادەیی کوردستان وتیشی: تا ئێوارەی ئەمڕۆ شەممە نزیکەی ١٠٠٠ کیلۆمەتر چالاکیی بەفرسڕینەوە ئەنجام دراوە و هاوکات هەزار تۆن خیز و خوێ بە جادەکاندا کراوە.
ناوبراو بە ئاماژە بەوەی کە لە درێژەی رێگەکانی پارێزگادا، پێرسونێلی رێگەوبان یارمەتی و فریاکەوتنیان ئاراستەی ۱۵۰ ئۆتۆمبیلیان کردووە، وتی: رێگەی چوونە ٦٠ گوند لە شارەکانی بانە، مەریوان، دیواندەرە و کامیاران بە هۆی داکردنی بەفر داخراون و لە ئیستادا پێرسونێلی رێگەوان خەریکی کردنەوەی ئەو رێگایانەن و تا کۆتایی ئەمڕۆ دەکرێنەوە.
Your Comment